Azərbaycan, Bakı, 12 fevral /Trend, müxbir E.İsmayılov/
Naxçıvan Muxtar Respublikasında ilk kəşfiyyat quyusunun qazılması müsbət nəticələr verərsə, yeraltı qaz anbarı yaradılacaq. Trend-in məlumatına görə, bu barədə Azərbaycan Respublikası Dövlət Neft Şirkətinin (ARDNŞ) Kompleks Qazma İşləri Trestinin rəisi İsgəndər Şirəli "Xalq qəzeti"nə müsahibəsində deyib.
Onun sözlərinə görə, "Nehrəm" duz yatağının bazasında ilk kəşfiyyat quyusunun qazılması artıq "Tumbul" sahəsində başlayıb.
"Yeraltı qaz anbarının yaradılması sabit qaz təchizatının yaxşılaşdırılmasına şərait yaradacaq, həmçinin vacib sosial problemlərin həllinə müsbət təsir göstərəcək", - Şirəli qeyd edib.
