...

Azərbaycan neftinin qiymətləri: 27-30 avqust həftəsinin yekunları

Energetika Materials 2 Sentyabr 2013 13:59 (UTC +04:00)

Azərbaycan, Bakı, 2 sentyabr /Trend, müxbir E. Əliyev/

Ötən həftə, 27-30 avqust tarixlərində Azərbaycanın İtaliyanın Augusta limanından CIF şərtləri ilə Supsa, Batumi (Gürcüstan) və Ceyhan (Türkiyə) limanları vasitəsilə satdığı AZERI LT (CIF) növlü neftin orta qiyməti 119,67 dollar/barel təşkil edib ki, bu da əvvəlki qiymətdən 5,02 dollar/barel çoxdur.

Trend-in məlumatına görə, 27-30 avqust həftəsində AZERI LT-nin qiyməti maksimum 120,65, minimum isə 118,74 dollar/barel təşkil edib.

"Azeri Light"ın API üzrə qatılığı 34,6 dərəcə, kükürdün miqdarı isə 0,14 faizdir.

27-30 avqust həftəsində Azərbaycanın Novorossiysk limanından satdığı URALS (EX-NOVO) növlü neftin orta qiyməti 114,24 dollar/barel təşkil edib ki, bu da əvvəlki qiymətdən 4,64 dollar/barel çoxdur.

27-30 avqust həftəsində URALS-ın qiyməti maksimum 115,33 minimum isə 113,42 dollar/barel olub.

URALS-ın API üzrə qatılığı 32 dərəcə təşkil edir, kükürdün miqdarı isə 1,3 faizdir. Lakin satış zamanı müxtəlif vaxtlarda, tərkibində daha çox keyfiyyətli (və ya daha az) neftlərin dominantlığından asılı olaraq, bu neftin spesifik xüsusiyyətləri dəyişir.

27-30 avqust həftəsində "Brent Dated" növünün orta qiyməti 115,82 dollar/barel təşkil edib ki, bu da əvvəlki qiymətdən 4,77 dollar/barel çoxdur.

Ötən həftə "Brent Dated"in maksimum qiyməti 116,7, minimum isə 115,17 dollar/barel təşkil edib.

"Brent Dated"in API üzrə qatılığı 38,3 dərəcə, kükürdün miqdarı isə 0,36 faizdir.

Məqalədə:
Xəbər lenti

Xəbər lenti