Azərbaycan, Bakı, 16 sentyabr /Trend, müxbir E.İsmayılov/
ARDNŞ hər il fəhlə kateqoriyasından olan 4 min əməkdaşa ehtiyac duyur. Trend-in məlumatına görə, bu barədə bazar ertəsi jurnalistlərə ARDNŞ-nin kadr, rejim və informasiya texnologiyaları üzrə vitse-prezidenti Xalik Məmmədov deyib.
Onun sözlərinə görə, şirkətin ümumilikdə 66 200 işçisi var: "Onlardan 44 600-ü fəhlə kateqoriyasından olan əməkdaşlardır. İş yerlərinin təbii boşalması prosesi hər il fəhlə kateqoriyasından olan əməkdaşların ümumi sayının 9-10 faizinin əvəz edilməsini tələb edir".
O, qeyd edib ki, iş yerlərinin təbii boşalması nəticəsində şirkət hər il təqribən 4 min işçiyə ehtiyac duyur: "ARDNŞ daha əvvəl əhali arasından zəruri təhsili olmayan insanları işçi qismində işə götürdüyü halda, 2005-ci ildə şirkət işçi kadrlarının hazırlanması prosesinə başladı".
X.Məmmədovun sözlərinə görə, son illər ixtisaslaşmış peşəkar-texniki məktəb və mərkəzlərin açılması üzrə işlər aparılıb: "Nəticədə bu, ARDNŞ-nin işçilərə olan tələbatının təqribən 780 faizini qarşılamağa imkan verəcək".