...

Azərbaycanın yeraltı qaz anbarlarına 375 milyon kubmetrdən çox qaz vurulub

Energetika Materials 22 May 2014 16:15
2014-cü il mayın 22-nə olan məlumata görə, Azərbaycanın yeraltı qaz anbarlarına təqribən 376,12 milyon kubmetr qaz vurulub.

Trend-i buradan izləyin

Azərbaycan, Bakı, 22 may /Trend, müxbir E.İsmayılov/

2014-cü il mayın 22-nə olan məlumata görə, Azərbaycanın yeraltı qaz anbarlarına təqribən 376,12 milyon kubmetr qaz vurulub. Bunu cümə axşamı Trend-ə Azərbaycan Respublikası Dövlət Neft Şirkətindəki (ARDNŞ) mənbə deyib.

Azərbaycanda 2 yeraltı qaz anbarı (Qalmaz və Qaradağ) var. Hər ikisi ARDNŞ-nin balansındadır.

Agentliyin müsahibi bildirib ki, anbarlara vurulan qazın ümumi həcmindən 182,34 milyon kubmetr Qaradağ, təqribən 193,78 milyon kubmetr isə Qalmaz qaz anbarının payına düşür.

Hazırda ölkənin yeraltı qaz anbarlarında aktiv qazın həcmi 1,75 milyard kubmetri ötür. Bu həcmdən 928,77 milyon kubmetr Qaradağ, 823,88 milyon kubmetr isə Qalmaz qaz anbarının payına düşür.

Anbarlardan qaz götürülməsi mövsümünün yekunu üzrə yeraltı qaz anbarlarında qalan qazın həcmi təqribən 1,38 milyard kubmetr (Qaradağ - 764,43 milyon kubmetr, Qalmaz - təqribən 630,6 milyon kubmetr) təşkil edib.

Ölkənin yeraltı qaz anbarlarının imkanları onlarda 3,5 milyard kubmetrdən çox qaz saxlamağa şərait yaradır.

Məqalədə:
Xəbər lenti

Xəbər lenti