Azərbaycan, Bakı. 20 avqust /Trend, müxbir Emil İsmayılov/
Azərbaycan Respublikası Dövlət Neft Şirkəti (ARDNŞ) yaxın vaxtlarda Naxçıvan Muxtar Respublikasında (NMR) planlaşdırılan yeraltı qaz anbarının yaradılması çərçivəsində V qiymətləndirmə qazma işlərinə başlayacaq. Bunu çərşənbə günü Trend-ə ARDNŞ-dəki mənbə deyib.
Kəşfiyyat quyularının qazılması "Nehrəm" duz yatağı bazasında "Tumbul" sahəsində aparılır.
Onun sözlərinə görə, indiyədək sahədə 4 qiymətləndirmə quyusu qazılıb: "Qazma işləri müvəqqəti dayandırlıb, lakin yaxın vaxtlarda davam etdiriləcək. Plana uyğun olaraq, sahədə qiymətləndirmə işləri çərçivəsində ümumilikdə 5 quyunun qazılması planlaşdırılır".
