Azərbaycan, Bakı, 8 sentyabr /Trend, müxbir Emil İsmayılov/
ARDNŞ-nin (Azərbaycan Respublikası Dövlət Neft Şirkət) Kulevi Qara Dəniz Neft Terminalı (Gürcüstan) karbohidrogenləri dəniz tankerlərindən qəbul etmək üçün estakadanın tikintisini başa çatdırıb.
Trend-in terminala istinadən verdiyi məlumata görə, hazırda terminal yalnız tankerlərin yüklənməsi əməliyyatını yerinə yetirir, lakin yeni infrastrukturun işə salınması ilə terminal dəniz tankerlərindən məhsulun boşaldılmasını təmin edəcək ki, bu da terminalda daşımaların həcmini artıracaq.
ARDNŞ-nin Layihə İnstitutu tərəfindən işlənmiş yeni konstruksiya 10 tankerin boşaldılmasını nəzərdə tutur. Bu obyekt müxtəlif növ neft məhsullarının qəbuluna hesablanıb və bunun üçün lazımi sistemlərlə təchiz olunub.
Hazırda obyektin istismara verilməsi üçün hazırlıq işləri aparılır.