Azərbaycan, Bakı, 15 sentyabr /Trend, müxbir Emil İsmayılov/
Azərbaycanda yeni müasir üzən qazma qurğusunun tikintisi üzrə işlər proqrama uyğun aparılır. Trend-in məlumatına görə, bunu bazar ertəsi jurnalistlərə ARDNŞ prezidenti Rövnəq Abdullayev deyib.
Onun sözlərinə görə, hazırda Bakı Gəmiqayırma Zavodunda bütün zəruri tikinti işləri aparılır: "İkinci müasir qazma qurğusunun tikintisi imkanları araşdırılır".
O qeyd edib ki, danışıqlar, təqdim edilmiş hesabatlar və mütəxəssislərin işi başa çatdıqdan sonra müəyyən nəticələr tezliklə əldə olunacaq.
Azərbaycanda yeni nəsil üzən qazma qurğusunun tikintisi layihəsinin dəyəri 1 116,7 milyon dollardır.