Azərbaycan, Bakı, 16 sentyabr /Trend, müxbir Emil İsmayılov/
Azərbaycan Respublikası Dövlət Neft Şirkəti (ARDNŞ) yeraltı qaz anbarlarının gücünün artırılması çərçivəsində "Qaradağ" yeraltı qaz anbarında yeni quyunun qazılmasına başlamağa hazırlaşır. Bunu çərşənbə axşamı Trend-ə ARDNŞ-dəki mənbə deyib.
Onun sözlərinə görə, "Qaradağ" qaz anbarında bir quyunun qazılmasına bu yaxınlarda başlanılıb, hazırda daha bir quyunun qazılmasına hazırlıq gedir: "Hazırda qazma qurğusunun hazırlanması üzrə işlər aparılır və artıq 10 gündən sonra qazma işləri başlayacaq. Hər iki halda da layihə dərinliyi 3350-3400 metrdir".
Mənbə qeyd edib ki, "Qalmaz" yeraltı qaz anbarında quyunun qazılması başa çatıb və hazırda onun mənimsənilməsinə hazırlıq gedir.