Azərbaycan, Bakı, 31 oktyabr /Trend, müxbir Emil İsmayılov/
Azərbaycan Respublikası Dövlət Neft Şirkəti (ARDNŞ) qazın götürülməsi mövsümünün başlaması çərçivəsində Azərbaycanın yeraltı anbarlarından 47,45 milyon kubmetr qaz götürüb. Bunu Trend-ə ARDNŞ-dəki mənbə deyib.
ARDNŞ-nin balansında iki yeraltı qaz anbarı - Qalmaz və Qaradağ fəaliyyət göstərir.
Mənbə bildirib ki, hazırda qazın götürülməsinə yalnız Qaradağ qaz anbarında başlanılıb. Anbarda qazın götürülməsi səviyyəsi 10,6 milyon kubmetr təşkil edir.
O, əlavə edib ki, hazırda Qaradağ anbarında qalıq qaz həcmləri 1,7 milyard kubmetri bir qədər üstələyir. Qalmazda isə bu göstərici 1,48 milyard kubmetrdir.