Azərbaycan, Bakı, 31 may /Trend, müxbir Maksim Tsurkov/
Xəzər dənizinin Azərbaycan sektorundakı "Şahdəniz" qaz yatağının işlənməsinin ikinci mərhələsi çərçivəsində SDG03 quyusunun qazılması üzrə işlər iyulda başa çatacaq.
Bu barədə Trend-ə Azərbaycanın neft-qaz bazarındakı mənbə məlumat verib.
Mənbə bildirib ki, "İstiqlal" qurğusundan aparılan qazma işləri iyulun ortalarında başa çatacaq: "Hazırda quyunun sonuncudan əvvəlki seksiyasında qazma işləri gedir. SDG03 quyusunda işlər başa çatdıqdan sonra "İstiqlal" üzən qazma qurğusu Bakı gəmiqayırma zavoduna təmirə göndəriləcək. Təmir işləri təqribən 9 ay davam edəcək".
Hazırda "Şahdəniz" yatağında, həmçinin Heydər Əliyev adına üzən qazma qurğusu işləyir.