Bakı. Ləman Zeynalova - Trend:
Havaların soyuması ilə əlaqədar olaraq, tələbatı nəzərə alaraq noyabrın 11-dən etibarən anbarlardan qazın götürülməsinə başlanılıb.
Bunu Trend-ə SOCAR-ın Tədbirlərin təşkili və ictimaiyyətlə əlaqələr departamentinin rəis müavini İbrahim Əhmədov deyib.
“Qazvurma mövsümü zamanı (2020-ci ilin aprelindən noyabrın əvvəlinə kimi) anbarlara 2 milyon kubmetr qaz vurulub. Qazvurmanın sonuna anbarlara yığılan qazın həcmi 3,2 milyard kubmetr təşkil edib.”