...

Azərbaycan Dövlət Neft Şirkəti Batumidən bir partiya neftin satışı üzrə tenderi bağlı elan edib

Energetika Materials 16 Noyabr 2005 11:17 (UTC +04:00)

Azərbaycan Dövlət Neft Şirkəti Gürcüstanın Batumi limanından Azərbaycan Beynəlxalq Əməliyyat Şirkəti tərəfindən "Azəri-Çıraq-Günəşli" yataqlar blokunda hasil edilən bir partiya Azəri Light növlü mənfəət neftinin satışı üzrə tenderi bağlı elan edib.

ABƏŞ-də 10% paya malik olan AR DNŞ-dən Trend ə verilən məlumata görə, tenderin qalibi dekabrın 3-4-də Batumidən 80 min ton (600 min barel) neft yükləyəcək Glencore treyderidir.

AR DNŞ-də Batumidən 80 min ton neftin satışı üzrə əvvəlki tenderin qalibi isə Almaniyanın Select Energy Trading şirkəti olub.

Batumi neft terminalı ildə 15 mln tona qədər neft yükü daşımaq qabiliyyətinə malikdir. Terminal 4 körpüdə 30-90 min ton dedveytli tankerlərə xidmət edir. Hazırda onun rezervuar parkının gücü təxminən 530 min tondur ki, bu da cari və proqnoz həcmlərinin daşınması üçün böyük göstəricidir.

Xəbər lenti

Xəbər lenti