...

Moskvada Azərbaycan və "Qazprom" 2007-ci ildə qaz tədarükü ilə bağlı danışıqlara başlayıb

Energetika Materials 22 Dekabr 2006 16:50

Trend-i buradan izləyin

Trend xəbər verir ki, bu gün Moskvada Azərbaycanla "Qazprom" ASC arasında 2007-ci ildə respublikaya qaz tədarükü ilə bağlı danışıqlar başlayıb.

Tərəflər gələn il qazın qiymətini və tədarük ediləcək yanacağın həcmini müəyyən etmək niyyətindədir.

"Qazprom"un mətbuat xidmətindən Trend ə bildiriblər ki, Azərbaycana hər 1 min kub metr qaz 230 dollara təklif olunur. Mətbuat xidmətindən bildirilib: "Biz Azərbaycanın mövqeyinin bizim təkliflərə yaxınlaşacağını gözləyirik"

"Qazprom" nümayəndəsinin sözlərinə görə, "Armrosqazprom" BM-də iştirak payının artılıması planları ilə əlaqədar 2007-ci ildə qazın qiyməti Azərbaycan və Gürcüstana nisbətən Ermənistan üçün ucuz olacaq.

Gürcüstan üçün 2007-ci ildə 1 min kub metr Rusiya qazı 235 dollara təklif olunur.

Yanvar-noyabr aylarında "Qazprom Eksport" ("Qazproma"un törəmə strukturu) Azərbaycana 4 mlrd. kub metr qaz tədarük edib. Cari ildə ARDNŞ hər 1 min kub metr qazı 110 dollara alıb. Təbii qaz ölkəyə Şirvanovka-Qazı-Məmməd boru kəməri ilə verilir.

Xəbər lenti

Xəbər lenti