Azərbaycan,Bakı/müxbir Trend S.Əliyev/"Şahdəniz" layihəsi üzrə tərəfdaşlar Azərbaycana Cənubi Qafqaz qaz kəmərinin (Bakı-Tbilisi-Ərzurum) sınağı üçün bütün qaz həcmini qaytarıb. Bu barədə hökumətdən məlumat verilib. Bu işlər üçün ümumilikdə Azərbaycan Dövlət Neft Şirkətinin hasil etdiyi təqribən 60 milyon kub metr qaz istifadə olunub.
Ötürücü-buraxıcı sınaqlar üçün qaz 21 may 2006-cı il tarixində Cənubi Qafqaz kəmərinə Səngəçal terminalından vurulub. "Şahdəniz" platformasından Səngəçal terminalına qədər və daha sonra Gürcüstan-Türkiyə sərhədinə qədər "Şahdəniz" - Cənubi Qafqaz kəməri ixracat sisteminin ötürücü-buraxıcı sınaqları üçün təqribən 0,1 mlrd. kub metr qaz tələb olunacaq.
