Azərbaycan, Bakı /müx. Trend S.Əliyev/ "Azeri Drilling Company" BM "Günəşli" yatağında 2500+4000 dərinlikli quyuların qazılmasında mühüm olan xidmətlərin kotirovkası ilə bağlı sorğu elan edib. Sorğu aşağıdakı xidmətlər üzrə elan olunub: maili qazma, sementləmə, quyu qatışıqları, karotaj, müdafiə borusunun işə salınması. Lazımi sənədlər 2 iyul 2007-ci ilə qədər təqdim olunmalıdır.
"Azeri Drilling" BM-in təsisçiləri ARNDŞ (35%) , Panama respublikasında qeydə alınan "Target Petroleum Azerbaijan Corporation" (35%) , "First Drilling Limited" (Şotlandiya) (30%) şirkətləridir.
Müəssisənin fəaliyyət dairəsinə neft və qaz quyularının qazılması (həm xüsusi, həm də üfqi quyular), quyuların sementlənməsi və möhkəmləndirilməsi, mənimsəmə, əsaslı və yeraltı təmir, geofiziki tədqiqat və perforasiya.
BM -in əsas vəzifəsi ən müasir texnikadan istifadə etməklə quyuların qazılması və "8 mart" və "Bulla Dəniz" yataqlarında dərin və çox dərin quyuların təchizatıdır. Bu yataqlarda dərinliyi 6,5 min metr olan 8 quyunun qazılması nəzərdə tutulur. Hazırda "8 Mart" yatağında üç platformanın təcili təmiri ilə bağlı işlər gedir (№ 730, № 759, № 578). Bu əsaslarda yeni qazıntı dəzgahları quraşdırılacaq.
