Azərbaycan, Bakı, 3 may /Trend/
Xırdalan şəhərində KATV1 kabel televiziyasının filialı açılıb.
Yeni açılmış filial nəfis dizaynı ilə seçilən xarici görünüşə və interyerə malikdir. Ətrafdakı tikililərdən KATV1 kabel televiziyasının loqotipi rəngində olması və özünəməxsusluğu ilə seçilən yeni filial geniş qəbul zalına malikdir. Burada abunəçilərin istək və arzularını bildirmələri, rahat şəkildə öz növbələrini gözləmələri və KATV1 kabel televiziyasının yayımladığı bütün telekanalları izləmələri üçün hər cür şərait yaradılıb.
"Xırdalan" filialı KATV1 kabel televiziyasının göstərdiyi xidmətlərin bütün spektri üzrə fəaliyyət göstərir. Yeni filiala müraciət edərək, vətəndaşlar KATV1-in xidmətləri barədə geniş məlumat ala və bu xidmətlərdən istifadəyə qoşulma üçün sifariş verə bilərlər. Eyni zamanda, KATV1 kabel televiziyasının abunəçiləri "Xırdalan" filialında aylıq ödənişləri həyata keçirməklə yanaşı, şirkətin xidmətləri ilə bağlı yarana biləcək bütün problemlərin həlli üçün müraciət etmək imkanına malikdirlər. Həmçinin, KATV1-in rəqəmsal yayımına qoşulma, paketlərin siyahısında dəyişikliklərin edilməsi və bütün digər məsələlərlə bağlı yeni filiala müraciət etmək olar.
KATV1 kabel televiziyasının xidmətlərinə qoşulmaq arzusunda olan vətəndaşları və abunəçilərimizi yeni filialımızda gözləyirik.
KATV1-in Bakı şəhərində 5 filialı fəaliyyət göstərir. Onlar paytaxtımızın Xətai, Sabunçu, Binəqədi və Nərimanov rayonlarının ərazisində yerləşir.