Azərbaycan, Bakı, 14 yanvar /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyi ikinci telekommunikasiya peyki üçün orbital mövqenin alınması məsələsi üzrə Beynəlxalq Telekommunikasiya İttifaqı ilə (ITU - International Telecommunication Union) danışıqlar aparır. Bu barədə bazar ertəsi Trend-ə nazirlikdən məlumat veriblər.
İkinci peyk sistemi Azersat С üçün 62 dərəcə şərq uzunluq dairəsində mövqe nəzərdə tutulur ki, daha əvvəl Azərbaycan bunun alınması ilə bağlı ərizə təqdim etmişdi.
Hazırda ikinci peyk proqramı çərçivəsində ikinci telekommunikasiya peykinin buraxılmasi layihəsinin texniki-iqtisadi əsaslandırılmasının hazırlanması üzrə işlər aparılır.
Reqlamentə əsasən, yeni orbital mövqe həmçinin başqa ölkələrin orbital mövqeləri ilə əlaqələndiriləcək.
Qeyd edək ki, Azərbaycanın ilk "Azerspace-1" telekommunikasiya peyki fevralın 7-də orbitə çıxarılacaq.