...

Azərbaycanda daşınmaz əmlaka görə hüquqların dövlət qeydiyyatı üçün müddət azaldılacaq

Telekommunikasiya Materials 18 Yanvar 2013 14:42 (UTC +04:00)
Əmlak Məsələləri Dövlət Komitəsi ipoteka sövdələşmələri və hüquqların tanınmasının qeydiyyatı və ləğv edilməsi prosesini avtomatlaşdıracaq.
Azərbaycanda daşınmaz əmlaka görə hüquqların dövlət qeydiyyatı üçün müddət azaldılacaq

Trend-i buradan izləyin

Azərbaycan, Bakı, 18 yanvar /Trend, müxbir H.Vəliyev/

Əmlak Məsələləri Dövlət Komitəsi ipoteka sövdələşmələri və hüquqların tanınmasının qeydiyyatı və ləğv edilməsi prosesini avtomatlaşdıracaq. Trend-in məlumatına görə, bu barədə cümə günü Əmlak Məsələləri Dövlət Komitəsinin məlumatında deyilir.

Dövlət Komitəsinin bu xidmətlərin elektron formaya keçirilməsi üzrə təklifi baxılması üçün Vətəndaşlara Xidmət və Sosial İnnovasiyalar üzrə Dövlət Agentliyinə təqdim edilib.

"Açıq Hökumətin təşviqinə dair 2012-2015-ci illər üçün Milli Fəaliyyət Planı"nın və "Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı"nın təsdiq edilməsi haqqında" Azərbaycan Prezidentinin 2012-ci il 5 sentyabr tarixli Sərəncamının icrasını təmin etmək məqsədi ilə Əmlak Məsələləri Dövlət Komitəsi tərəfindən 2012-ci ildə bir sıra tədbirlər həyata keçirilib.

2012-2015-ci illəri əhatə edəcək planlar korrupsiya ilə mübarizə və idarəetmə sahəsində davamlı tədbirlərin həyata keçirilməsinə, dövlət orqanlarının işində şəffaflığın artırılmasına, müasir standartlara uyğun idarəetmənin təşkilinə, Açıq Hökuməin prinsiplərinə dəstək verilməsinə yönəlib.

Milli planın həyata keçirilməsi məqsədilə Dövlət Komitəsi tərəfindən 2013-cü il üçün fəaliyyət planı təsdiq edilib.

Hazırda elektron poçt vasitəsilə ərizə və şikayətlərin qəbulu işinin təşkili məqsədi ilə komitənin [email protected] elektron ünvanına daxil olmuş müraciətlər müvafiq şöbədə qeydiyyata alınaraq cavablandırmaq üçün aidiyyəti üzrə struktur bölmələr və qurumlara çatdırılır. Bu proses Avtomatlaşdırılmış Sənəd Dövriyyəsi İnformasiya Sistemi vasitəsilə də aparılır.

Milli Fəaliyyət Planına uyğun olaraq, maraqlar toqquşmasının qarşısının alınması istiqamətində komitədə iş aparılır. 2013-cü ildə Maraqlar toqquşmasının qarşısının alınması üzrə treninqlərin təşkil edilməsi nəzərdə tutulub.

"Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı"nın icrası ilə bağlı "Daşınmaz əmlakın dövlət reyestri haqqında" qanunun əlavələr və dəyişikliklər edilməsi barədə" qanunu layihəsi hazırlanıb. Layihədə daşınmaz əmlak üzərində mülkiyyət hüququnun dövlət qeydiyyatına alınması barədə çıxarışların (ilkin qeydiyyat istisna olmaqla) verilməsi üçün müəyyən edilmiş 20 günlük müddətin 7 iş günü müddətinə, daşınmaz əmlak üzərində hüquqların məhdudlaşdırılmasına (yüklülüyünə) dair dövlət reyestrindən arayışların verilməsi üçün müəyyən edilmiş 5 iş günlük müddətin 1 iş günü müddətinə, əmlak bölmələrinin sayının 15-dən 10-a endirilməsi və digər dəyişikliklər nəzərdə tutulub.

Vətəndaşların rahatlığı üçün elektron növbə sistemi tətbiq edilib. Daşınmaz Əmlakın Dövlət Reyestri Xidmətinin ərazi idarələrinin göstərdikləri xidmətlər müqabilində dövlət rüsumları və xidmət haqlarının ödənilməsinin avtomatlaşdırılması və ödəniş sistemləri infrastrukturuna texnoloji inteqrasiyası məqsədilə müvafiq şəbəkə əlaqəsinin və proqram təminatının hazırlanması, həmçinin uyğun bir ödəniş sisteminin yaradılması məqsədilə köməklik üçün "Kapital Bank"a müraciət olunub. İlkin mərhələdə bütün məsələlər ətrafında prinsipial razılıq əldə edilib və tələblər müəyyən edilib.

Hazırda təkrar bazardan qaytarılan əmlakın qeydiyyatı üzrə məhdudiyyətlər və müraciətə dair arayışların verilməsi elektron formada həyata keçirilir.

Məqalədə:
Xəbər lenti

Xəbər lenti