Azərbaycan, Bakı, 21 yanvar /Trend, müxbir H.Vəliyev/
2012-ci ildə Azərbaycanın İKT sektoru və poçt rabitəsində artım 2011-ci ilin müqayisə edilə bilən göstəricilərilə müqayisədə 17,3 faiz artaraq 1503,4 milyon manat təşkil edib. Trend-in məlumatına görə, bu barədə bazar ertəsi Azərbaycan Rabitə və İnformasiya Texnologiyaları Nazirliyinin 2012-ci ilin yanvar-dekabr aylarının yekunlarına həsr edilən kollegiyasında nazirliyin Aparatının rəhbəri Vidadi İsmayılov bildirib.
Hesabat dövründə telekommunikasiya sektoru üzrə real artım templəri 16,6 faiz, telekommunikasiya sektoru üzrə 17,4 faiz, poçt rabitəsi üzrə 18,2 faiz, İT sektoru isə 8,6 faiz təşkil edib.
İKT sektoru və poçt rabitəsi üzrə əldə edilən gəlirlərin 75,7 faizi özəl rabitə müəssisələrinin payına düşüb. Telekommunikasiya sektoru üzrə gəlirlərin 65,3 faizi mobil rabitənin payına düşüb və 14,1 faiz artıb.
İKT sektorunun və poçt rabitəsinin gəlirlərinin həcmi Azərbaycanın ümumi daxili məhsulunda (ÜDM) 1,9 faiz təşkil edib.
