...

Azərbaycanın efir məkanında növbəti kompleks profilaktika olacaq

Telekommunikasiya Materials 29 Sentyabr 2014 18:32 (UTC +04:00)

Trend-i buradan izləyin

Azərbaycan, Bakı, 29 sentyabr /Trend, müxbir Hüseyn Vəliyev/

Oktyabrın 13-də Azərbaycanın televiziya efir məkanında növbəti kompleks profilaktika işləri aparılacaq. Bu barədə Trend-ə "Teleradio" İstehsalat Birliyindən məlumat verilib.

Kompleks profilaktika işləri ilə əlaqədar televiziya və radio yayımı saat 06:00-dan 15:00-dək dayandırılacaq.

Profilaktika işləri iki kateqoriyaya bölünür: adi və kompleks.

Kompleks profilaktika qida mənbələrindən başlayaraq antenalara qədər bütün avadanlığın texniki vəziyyətinin yoxlanılmasını nəzərdə tutur. Prosedur texniki problemlərin olmaması üçün zəruridir, çünki teleradio yayımı avadanlığı 7/24 rejimində fasiləsiz işləyir.

Adi profilaktika hər iki aydan bir şəxsi teleradio kanallarının istəyi ilə keçirilir.

Efir sahəsində profilaktika işlərinin cədvəli hər ilin sonunda tərtib edilir və Azərbaycanın bütün teleradio şirkətləri ilə razılaşdırılır.

Məqalədə:
Xəbər lenti

Xəbər lenti