Noyabrın 6-24-də Türkiyədə keçirilən Beynəlxalq Telekommunikasiya Birliyinin (BTB) (International Telecommunication Union) 17-ci Səlahiyyətli Konfransı zamanı Azərbaycan rabitə və informasiya texnologiyaları naziri Əli Abbasov həm təşkilatın rəhbərliyi, həm də İTU-nun üzv dövlətləri ilə bir sıra görüşlər keçirib.
Nazirliyə istinadən Trend məlumat verir ki, Ə.Abbasov ITU-nun yeni baş katibi Amadun Ture (Hamadoun Toure), onun müavini və büronun direktorları ilə görüşüb. Bundan başqa, İran, Cənubi Koreya və digər dövlətlərin nazirləri ilə görüşlər baş tutub.
Keçirilən görüşlərin nəticələri üzrə qeyd olunub ki, gələn il Azərbaycan rabitə və informasiya texnologiyaları sferasında həyata keçirilən tədbirlərlə tanış olmaq üçün A.Turenin ölkəyə səfəri gözlənilir.
