Azərbaycan, Bakı, 02 iyul / Trend , müxbir T.Cəfərov/ Pakistanın xarici işlər və neft naziri Şah Mahmud Qüreyşi bildirib ki, yaxın gələcəkdə İran, Hindistan və Pakistan əhalisi "Sülh boru kəməri" haqda xoş xəbərlər eşidəcəklər. Bu barədə İranın "İRİNN" xəbər kanalı məlumat yayıb.
Qüreyşi İslamabadda keçirdiyi mətbuat konfransında bildirib ki, İrandan Pakistan və Hindistana çəkilən qaz boru kəmərinin regionda sabitliyin möhkəmlənməsində və iqtisadi inkişafda böyük rolu olacaq. Nazirin sözlərinə görə, yaxın gələcəkdə kəmərin çəkilişi həyata keçiriləcək.
"Pakistan və Hindistan boru kəmərinin tranzit xərcləri haqda razılığa gəlib və tezliklə müştərək bəyanat yayımlayacaqlar", - deyə nazir bildirib.
