Azərbaycan, Bakı, 29 dekabr /Trend, müxbir Rufiz Hafizoğlu/
Türkiyə ABŞ-da yaşayan ictimai xadim Fətullah Gülənin ekstradiyası ilə bağlı bu ölkəyə rəsmi müraciət edəcək. Bu barədə bazar ertəsi Trend "Haber7" telekanalına istinadən məlumat verir.
Qeyd edək ki, İstanbul məhkəməsi dekabrın 29-da ABŞ-dan F. Gülənin həbs edilməsi barədə qərarı yerinə yetirməyi tələb edib.
2014-cü il dekabrın 19-da İstanbul məhkəməsi terror təşkilatı yaratmaqda və Türkiyəyə qarşı casusluqda günahlandırılan F.Gülənin həbs edilməsi barədə qərar çıxarıb.