Azərbaycan, Bakı, 14 yanvar /Trend, müxbir Məftun Salmanov/
İspaniya Ali Məhkəməsi ölkə Kralı VI Filipin atası olan I Xuan Karlosa qarşı atalığın tanınması haqqında iddiaya baxacaq.
Trend-in TASS agentliyinə istinadən verdiyi məlumata görə, iddianı belçikalı İnqrid Sartiau ötən ilin ortalarında qaldırmışdı. İ.Sartiau anasının sabiq kralla münasibətdə olduğunu sübut etməlidir.
Həmin vaxt X.Karlos oğlu Filipə görə taxt-tacdan əl çəkmişdi.
Daha əvvəl belə iddialar rədd edilirdi. Çünki İspaniya Konstitusiyasına əsasən, Kral toxunulmazdır.