Azərbaycan, Bakı, 18 fevral /Trend, müxbir Rufiz Hafizoğlu/
"Türk Hava Yolları" aviaşirkəti fevralın 18-19-na planlaşdırılan daxili reysləri təxirə salmaqda davam edir.
Trend-in "Milliyyət" qəzetinə istinadən verdiyi məlumata görə, hazırda belə reyslərin sayı 334-ə çatıb.
Uçuşlar İstanbulda güclü qar yağması ilə əlaqədar ləğv edilir.
Hazırda İstanbul aeroportlarına enməli olan təyyarələr Türkiyənin digər şəhərlərindəki hava limanlarına göndərilir.