Bakı. Trend:
Amerikaya məxsus pilotsuz uçan aparat - MQ-9 Reaper Əfqanıstanın cənubunda Kandaqar əyalətində qəzaya uğrayıb. Trend RİA Novosti-yə istinadən məlumat verir ki, bu barədə ABŞ HHQ nümayəndəsi Brayn Buşar xəbər verib.
"Qəza Kandaqar aerodromunda baş verib. ABŞ HHQ düşmən zərbəsi ilə əlaqəsi olmayan bu insidenti araşdıracaq", - o deyib.
İnsident şənbə günü axşam saatlarında baş verib.
Qeyd edək ki, bu, Əfqanıstanda Amerikaya məxsus pilotsuz uçan aparatla baş vermiş ilk insident deyil.