...

İstanbulda 3-cü aeroport tikilir

Dünya xəbərləri Materials 25 İyul 2017 17:10 (UTC +04:00)
İstanbulda 3-cü aeroportun (Istanbul Grand Airport - İGA) tikintisi üzrə işlərin 55 faizi başa çatıb.
İstanbulda 3-cü aeroport tikilir

Bakı. Rufiz Hafizoğlu - Trend:

İstanbulda 3-cü aeroportun (Istanbul Grand Airport - İGA) tikintisi üzrə işlərin 55 faizi başa çatıb.

Trend-in məlumatına görə, bu barədə aeroportun baş icraçısı Hüseyn Kəskin deyib.

Onun sözlərinə görə, hazırda İstanbuldakı hava limanları 46 aviaşirkətin təyyarələrini qəbul edir. "Istanbul Grand Airport" istifadəyə verildikdən sonra isə bu rəqəm 100-ə çatacaq. Yeni aeroportdan 350 istiqamətə uçuşlar planlaşdırılır. İlk olaraq burada ildə 90 milyon, daha sonra isə 150 milyon sərnişinə xidmət göstərilməsi nəzərdə tutulur.

2018-ci ilin oktyabrında aeroportun ilk hissəsinin istifadəyə veriləcəyi bildirilir. 10 milyard türk lirəsinə başa gələcək hava limanında eləcə də mağazalar şəbəkəsi, logistika və sərgi mərkəzləri olacaq.

Yeni hava limanı İstanbulun şimal hissəsində yerləşir.

Qeyd edək ki, hazırda Türkiyədə 55 aeroport fəaliyyət göstərir. Ölkədə ilk hava limanı 1912-ci ildə hərbi məqsədlər üçün tikilib.

Məqalədə:
Xəbər lenti

Xəbər lenti