Bakı. Trend:
ABŞ Milli Təhlükəsizlik Agentliyinin (MTA) direktoru admiral Maykl Rocers istefaya gedir.
Trend-in məlumatına görə, bu barədə "The Washington Post" qəzetinin Twitter hesabında deyilir.
Məlumata əsasən, MTA-nın direktoru əməkdaşlarına yazda vəzifəsini tərk edəcəyini elan edib. Gözlənilir ki, MTA-nın yeni rəhbəri artıq bu ay prezident Donald Tramp tərəfindən təyin olunacaq. Onun namizədliyi ABŞ Senatı Tərəfindən təsdiq edilməlidir.
Qeyd edək ki, Maykl Rocers MTA-nın direktoru vəzifəsinə 2014-cü ildə ABŞ-ın sabiq prezidenti Barak Obama tərəfindən təyin edilib.