Bakı. Rufiz Hafizoğlu - Trend:
Afrində əməliyyatlar nəticəsində 27 yaşayış məntəqəsi terrorçulardan azad edilib. Trend-in məlumatına görə, bu rəqəmi Türkiyə hərbi mənbələri yayıblar.
Məlumata görə, hazırda əməliyyatlar Suriya ərazisində 7 istiqamətdə aparılır.
Qeyd edək ki, ötən gün Suriyada aparılan "Zeytun budağı" əməliyyatı zamanı 12 gün ərzində PYD və YPG-nin 712 terrorçusunun zərərsizləşdirilməsi barədə bildirilib.
Bundan başqa, ötən gün Bak Ubasi kəndinin terrorçulardan azad edilməsi barədə məlumat verilmişdi.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD, YPG və İŞİD terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.