Bakı. Trend:
İsveçin Dalarna vilayətində yerləşən Borlenqe şəhəri ölkənin "ən eybəcər şəhəri" seçilib. Trend-in məlumatına görə, sorğu "Facebook" sosial şəbəkəsində "Arkitekturupproрet" ("Memarların qiyamı") ictimai təşkilatı tərəfindən keçirlib.
Bildirilir ki, sorğuda iştirak edən 7 min nəfərdən 1000-i şəhəri "eybəcər" adlandırıb. Onlar fikirlərini belə əsaslandırıblar ki, buradakı qutuya bənzər binalar insanın ürəyini sıxır.
İkinci yerdə 800 səslə Vesteros, üçüncü yerdə isə 300 səslə Xesslexolm gəlir.