Bakı. Tural Turan - Trend:
Young Greatness təxəllüsü ilə tanınan reper Teodor Cons, Luiziana ştatına qətlə yetirilib. Trend-in məlumatına görə, naməlum şəxs reperə atəş açaraq qətlə yetirib. Hadisə yerli vaxtla 01:35-də baş verib. Hadisənin səbəbləri hələ məlum deyil.
Qeyd edək ki, reper 1984-cü ildə anadan olub. Onun Moolah adlı kompozisiyası 2016-cı ildə Billboard Hot 100 çartına düşə bilib.