Bakı. Trend:
Aprelin 9-da İsraildə keçirilmiş parlament seçkilərində səslərin 100 faizi hesablanıb.
Trend-in məlumatına görə, səsvermənin yekununa əsasən baş nazir Benyamin Netanyahununun rəhbərlik etdiyi "Likud" partiyası 120 yerlik Knessetdə (parlament) 36 yer əldə edib.
"Likud"un ən yaxın rəqibi - sabiq Baş qərargah rəisi Beni Qantsın "Kahol-Lavan" mərkəzçi bloku isə 35 mandat qazanıb.
Yəhudi dövlətinin Mərkəzi Seçki Komissiyası seçicilərin 68,38%-nin səsvermədə iştirak etdiyini yazıb. Seçicilərin 26,45 faizi (1,1 milyon nəfər) "Likud", 26,11 faizi isə (14 843 səs az) "Kahol Lavan"ı dəstəkləyib.