İlk xəbər saat 12:16-da yayılıb
Bakı. Trend:
Qırğızıstanın paytaxtı Bişkekdə baş verən partlayış nəticəsində 1 nəfər ölüb, 15 nəfər yaralanıb. Partlayışa səbəb kimi qaz balonunun partlaması göstərilir.
XXX
Saat 12:16
Qırğızıstanın paytaxtı Bişkekdə partlayış baş verib.
Trend-in məlumatına görə, partlayış paytaxt kafelərindən birində qeydə alınıb. Məlumata görə, ardıcıl olaraq 3 partlayışdan sonra kafedə yanğın başlayıb.
İlkin məlumata görə, insident nəticəsində yaralananlar var.
Partlayışın hansı səbəbdən baş verməsi hələ məlum deyil. Hadisə yerinə xilasedicilər və yanğınsöndürənlər cəlb edilib.