Bakı. Trend:
Hindistan koronavirusa yoluxma sayına görə dünya ölkələri arasında ikinci yerə çıxıb.
Trend-in məlumatına görə, son sutka ərzində ölkədə 90 802 yeni yoluxma qeydə alınıb ki, bu da indiyədək rekord göstərici hesab olunur.
Bu günədək Hindistanda virusa yoluxanların sayı 4 204 163 nəfərə çatıb.
Hindistan yoluxma sayına görə yalnız ABŞ-dan ( 6 275 775 yoluxma) geri qalır.
Həmçinin son sutkada 1 016 nəfər koronavirusun qurbanı olub və ümumi ölənlərin sayı 71 642 nəfərə çatıb.