Bakı. Trend:
Pakistanın Bəlucistan vilayətində hərbiləşdirilmiş Sərhəd Korpusu postuna edilən terror hücumunda ən azı yeddi təhlükəsizlik xidməti əməkdaşı həlak olub.
Trend-in məlumatına görə, bu barədə "Sinxua" agentliyi ölkə ordusunun mətbuat-xidmətinə istinadən bildirib.
Məlumata əsasən, güc strukturları əməkdaşları ilə terrorçuların toqquşması ötən gün axşam baş verdi.
Gərgin atışmadan sonra hərbçilər silahlıların hücumunu dəf etməyə bacarıblar, bundan sonra ərazi mühasirəyə alınıb və qaçan terrorçuları tutmaq üçün qaçış yolları bağlanıb.