Bakı. Orxan Nəbiyev - Trend:
"SpaceX" şirkətinə "Falcon 9" raketinin qalıqları Beynəlxalq Kosmik Stansiyanın (BKS) 5 kilometr yaxınlığından keçib.
Trend-in məlumatına görə, bu barədə Rusiyanın "Roskosmos" şirkəti bildirib.
Qeyd olunub ki, qalıqlar stansiyanın işinə hər hansı təsir göstərməyib. BKS-in təhlükəsizlik manevri etməsi üçün zərurət yaranmayıb.
Həmin qalıqların 2019-cu ildə buraxılmış "Falcon 9" raketinə aid olduğu müəyyən edilib.
Xatırladaq ki, bir neçə gün əvvəl BKS-in yaxınlığından naməlum peykin qalıqları keçmişdi. Bununla əlaqədar stansiyada olan amerikalı və rusiyalı kosmonavtlar öz seqmentlərində gizlənmişdi.