Bakı. Trend:
Əsas ölkələr tərəfindən gübrə ixracının dayandırılması səbəbindən dünya ictimaiyyəti ciddi problemlə üzləşəcək, problem 2023-cü ilin məhsuluna təsir edəcək.
Trend xəbər verir ki, bunu Ərzaq və Kənd Təsərrüfatı Təşkilatının (FAO) iqtisadçısı Maksimo Torero deyib.
"Əgər növbəti ay və ya iki ay ərzində bütün gübrələri əsas ixracatçılardan ala bilməsək, o zaman ciddi problemlə üzləşəcəyik. Bu, 2023-cü ildə növbəti məhsula aiddir. Beləliklə, bizim əsas qayğımız 2023-cü ildir", - deyə M.Torero bildirib.