Bakı. Trend:
Türkiyənin cənub-şərqindəki Qaziantep şəhərində xalça fabrikində yanğın baş verib.
Trend-in məlumatına görə, hadisə nəticəsində 5 işçi xəsarət alıb. Onların xəstəxanaya yerləşdirildiyi bildirilib.
Qeyd olunur ki, yanğının qarşısını iki saatdan sonra almaq mümkün olub. Hadisənin səbəbləri ilə bağlı araşdırma aparılır.
Xatırladaq ki, Qaziantepdə ötən həftə daha bir fabrikdə partlayış baş vermiş, nəticədə iki nəfər həlak olmuşdu.