...

Seçkilərin nəticəsi ölkəmizin gələcəyi üçün xeyirli və uğurlu olacaq - Sinan Oğan

Dünya xəbərləri Materials 28 May 2023 12:51 (UTC +04:00)
Seçkilərin nəticəsi ölkəmizin gələcəyi üçün xeyirli və uğurlu olacaq - Sinan Oğan

Trend-i buradan izləyin

Bakı. Trend:

Bu seçkilərin nəticəsi ölkəmizin gələcəyi üçün xeyirli və uğurlu olacaq.

Trend-in TurkicWorld-a istinadən məlumatına görə, bunu Sinan Oğan seçkilərdə iştirak edərkən bildirib.

O qeyd edib ki, seçkilər demokratiyanın göstəricisidir və bir daha Türkiyə toplumunun demokratik toplum olduğunu göstərir.

"Seçkilərin hər kəs üçün xeyirli olacağı düşüncüsindəyəm" -deyə Oğan qeyd edib.

Xatırladaq ki, may ayının 14-də keçirilən seçkilərin birinci turunda prezident Rəcəb Tayyib Ərdoğan 49,5%, Cümhuriyyət Xalq Partiyası (CHP) namizədi Kemal Kılıçdaroğlu 44,89% səs, Ata İttifaqı namizədi Sinan Oğan 5,47% səs Memleket Partiyasının namizədi Muharrem İnce isə 0,44 % səs toplayıblar.

Xarici ölkələrdə yaşayan Türkiyə vətəndaşları seçkilərin ikinci turunda may ayının 20-22-dək səs vermədə iştirak ediblər.

Xarici ölkələrdə keçirilən seçkilərin ikinci turunda səsvermədə iştirak edən vətəndaşların sayı 1 milyon 895 min 430 nəfər təşkil edib.

Türkiyədə yaşayan 60 milyon 697 min 843 seçicinin 30 milyon 710 min 790-ı, yəni 50,60 faizini qadınlar təşkil edir.

Kişi seçicilərin sayı isə 29 milyon 987 min 53 nəfər olmaqla 49,40 faiz təşkil edir.

Xaricdə yaşayan Türkiyə vətəndaşlarının sayı 6,5 milyondan artıqdır.

Ümumilikdə xarici ölkələrdə yaşayan 3 milyon 416 min 98 Türkiyə vətəndaşı səsvermə hüququna malikdir.

Bu seçicilərin 1 milyon 595 min 158-i qadın seçicilərdir ki, bu da xaricdəki seçici sayının 46,70 faizinə bərabərdir.

Bundan başqa, kişi seçicilərin sayı 1 milyon 820 min 940 nəfərdir ki, bu da seçicilərin 53.30 faizini təşkil edir.

Səsvermə 73 ölkədə və 151 diplomatik səsvermə dairəsində keçirilib.

Məqalədə:
Xəbər lenti

Xəbər lenti