Bakı. Trend:
Rusiya xəzəryanı dövlətlərlə birgə Xəzər dənizində ilk kruiz marşrutunu bu il işə salmağa hazırdır.
Trend xəbər verir ki, bu barədə Rusiya iqtisadi inkişaf nazirinin müavini Dmitri Volvaç məlumat verib.
Məlumata görə, Xəzər dənizində ilk kruiz layneri bu ilin yayında Həştərxandan yola düşəcək. "Böyük Volqa Yolu” layihəsinə Azərbaycan, İran, Qazaxıstan və Türkmənistan daxil olacaq.
Qeyd olunub ki, hazırda Həştərxanda kruiz laynerinin tikinti işləri tamamlanmaq üzrədir.