Bakı. Trend:
Türkiyənin Azərbaycan əsilli astronavtı Tuva Cihangir Atasever kosmosda missiyasını başa vurub.
Trend-in məlumatına görə, astronavtın da olduğu "VSS Unity" suborbital idarəolunan kosmoplanı ABŞ-ın Nyu-Meksiko ştatındakı "Spaceport" kosmodromundan uçub.
Məlumata əsasən, kosmoplanın buraxılışı yerli vaxtla saat 08:30-da baş tutub. Kosmik gəminin uçuşu 1 saat 10 dəqiqə davam edib. Bildirilib ki, 15 dəqiqə ərzində elmi təcrübələr həyata keçirilib. Daha sonra əvvəl kosmik kapsul, ardınca daşıyıcı raket Yerə uğurlu eniş edib.
xxx
19:44
Türkiyənin Azərbaycan əsilli astronavtı Tuva Cihangir Atasever kosmosa uçub.
Trend-in məlumatına görə, Tuva Cihangir Ataseverin də olduğu "VSS Unity" suborbital idarəolunan kosmoplanı ABŞ-ın Nyu-Meksiko ştatındakı "Spaceport" kosmodromundan uçub.
Məlumata əsasən, kosmik gəminin buraxılışı yerli vaxtla saat 08:30-da baş tutub.
Bildirilib ki, astronavt üzərində Türkiyə və Azərbaycan bayraqları işlənmiş forma geyinib.
