Bakı.Trend:
Belçikanın Baş naziri Bart De Vever hesab edir ki, Dünya Çempionatında ABŞ futbol yığmasının Belçika millisinə məğlub olması ABŞ Prezidenti Donald Trump üçün "ağır zərbə olacaq".
"Prezident (Tramp) bəzən xoşuna gəlməyən hadisələrə əsəbi reaksiya verməsi ilə tanınır və düşünürəm ki, bu məğlubiyyət onun üçün ağır zərbə olacaq", – deyə Baş nazirin sözlərini “Politico” nəşri sitat gətirib.
O həmçinin bildirib ki, Ankarada keçirilən NATO sammiti çərçivəsində "hamı yalnız bir mövzudan – 'Qırmızı şeytanlar'ın (Belçika millisinin ləqəbi) layiqli qələbəsi münasibətilə təbriklərdən danışır". De Vever əlavə edib ki, keçirilən oyuna görə Trampla zarafat etməyi planlaşdırmır.
Qeyd edək ki, iyulun 7-də Belçika millisi ABŞ yığmasını 4:1 hesabı ilə məğlub edərək dünya çempionatının dörddəbir finalına yüksəlib.
