Azərbaycan, bakı, 17 yanvar /Trend/
Azərbaycanda piyadaların vurulması ilə nəticələnən yol qəzaları olub.
Trend Daxili İşlər Nazirliyinin mətbuat xidmətinə istinadən xəbər verir ki, Yanvarın 16-da saat 08:00 radələrində Yasamal rayonu Z.Əhmədbəyov küçəsində müəyyən edilməmiş avtomobillə yolu keçən paytaxt sakini Bünyamin Tapdıqzadə vurulub.
Piyadaya xəstəxanada ilkin tibbi yardım göstərilib.
Yanvarın 16-da saat 16 radələrində Şirvan şəhərinin ərazisində müəyyən edilməmiş avtomobillə yolu keçən şəhər sakini Mübariz Bağırov vurulub.
Piyada xəstəxanaya yerləşdirilib.
Hər iki faktla bağlı araşdırma aparılır.