...

İlham Əliyev Heydər Əliyev Sarayının əsaslı təmiri və bərpasında son tamamlama işləri ilə tanış olub

Siyasət Materials 12 Sentyabr 2008 23:59

Trend-i buradan izləyin

Azərbaycan, Bakı, 12 sentyabr / Trend / Azərbaycan prezidenti İlham Əliyev sentyabrın 12-də Heydər Əliyev Sarayının əsaslı təmiri və bərpasında son tamamlama işləri ilə tanış olub.


Heydər Əliyev Sarayında əsaslı təmir-bərpa və yenidənqurma işlərinə dövlət başçısının sərəncamı ilə başlanılıb. Bu sarayda ötən 35 ildən sonra ilk dəfədir ki, təmir-bərpa işləri aparılır.


Dövlət başçısına məlumat verilib ki, sarayın fasadı xüsusi mərmərlə üzlənib, binanın qarşı və yan tərəflərində ABŞ istehsalı olan ekran tipli şüşələr quraşdırılıb. Sarayın əsas özəlliklərindən olan bu şüşələr içəridə keçiriləcək tədbirləri birbaşa bayırda da izləməyə imkan verəcəkdir.

Prezident İlham Əliyev işlərin yüksək səviyyədə və keyfiyyətlə başa çatdırılması, habelə gələcəkdə sarayın istismarının da lazımınca təşkili barədə tövsiyə və tapşırıqlarını verib.

Xəbər lenti

Xəbər lenti