Azərbaycan, Gəncə, 10 may / Trend , müxbir E.Babayev/ Azərbaycanın qərb bölgəsində azyaşlılar arasında çəpgözlük halları artıb. Bu barədə şənbə günü jurnalistlərə Gəncə şəhər Göz Xəstəxanasının baş həkimi Azər Məmmədov məlumat verib.
Gəncə şəhər Göz Xəstəxanasında qeydiyyatda olan xəstələrin 15 faizi, təxminən 70 nəfəri 15 yaşadək uşaqlardır.
Onun sözlərinə görə, qərb bölgəsində 15 yaşındək uşaqlarda anadangəlmə və qazanılmış çəpgözlük daha çoxdur. Baş həkim deyib ki, uşaqlarda qazanılmış çəpgözlük daha çox kompüterə aludəçilik və ekologiyanın pozulması ilə bağlıdır.
Gəncə paytaxt Bakıdan 365 kilometr qərbdə yerləşir.
Məqalə müəllifi ilə əlaqə ünvanı: [email protected]
