Bakı. Trend:
Dövlət İmtahan Mərkəzinin (DİM) keçirdiyi imtahanlarda gələcəkdə PISA tipli tapşırıqların tətbiqi mümkün ola bilər.
Trend-in tədbirdəki müxbiri xəbər verir ki, bunu PISA beynəlxalq qiymətləndirmə tədqiqatı ilə bağlı məlumatlandırma görüşündə Təhsil İnstitutunun direktoru vəzifəsini müvəqqəti icra edən, elm və təhsil nazirinin müşaviri Elnur Əliyev deyib.
O bildirib ki, Dövlət İmtahan Mərkəzi son dövrlərdə PISA yanaşmasına uyğun, bacarıq əsaslı tapşırıqların hazırlanması istiqamətində fəaliyyətə başlayıb.
E.Əliyevin sözlərinə görə, gələcəkdə bu yanaşmanın DİM tərəfindən keçirilən imtahanlarda da tətbiqi gözlənilir.
