Digər görüşün nəticəsi əlavə olunub (ilk xəbər saat 18:45-də yayılıb)
Bakı. Trend:
Azərbaycan taekvondoçusu Fəridə Əzizova¼ final mərhələsində özbəkistanlı idmançı Nigora Tursunkulovailə qarşılaşıb.
Trend-in məlumatına görə, təmsilçimiz ikinci görüşdə də qələbə qazanıb – 5:1.
Beləliklə, qadın taekvondoçumuz da yarımfinal mərhələsinə yüksəlib.
X X X
18:45
Braziliyanın Rio-de-Janeyro şəhərində Yay Olimpiya Oyunları davam edir.
Trend-in məlumatına görə, yarışların 14-cü günündə Azərbaycan taekvondoçusu Fəridə Əzizova mübarizəyə qoşulub.
67 kq çəki dərəcəsində yarışan qadın təmsilçimiz 1/8 final mərhələsində ABŞ idmançısı MakFerson Peyc ilə qarşılaşıb.
Çətin mübarizə şəraitində keçən döyüşdən idmançımız qalib ayrılıb - 6:5.
Taekvondoçumuz növbəti mərhələdə Özbəkistan təmsilçisi Nigora Tursunkulova ilə qarşılaşacaq.