Azərbaycan, Bakı, 06 fevral/ Trend , müxbir A.Bədəlova/Azərbaycan nümayəndə heyəti Rusiyada Çelyabinsk və Sverdlovsk vilayətləri ilə ticari-iqtisadi əməkdaşlıq haqqında 2007-ci ildə imzalanan müqavilələrin reallaşdırılması məsələlərini müzakirə edəcək.
Azərbaycanın işgüzar dairələrinin nümayəndə heyətinin Rusiyanın Ural regionuna səfəri fevralın 20-də baş tutacaq. Bu barədə çərşənbə günü Rusiya Federasiyasının Azərbaycandakı ticarət nümayəndəsi Yuri Şedrin mətbuat konfransında bildirib.
Şedrinin sözlərinə görə, 2007-ci il iyulun 1-i üçün olan məlumata görə,Azərbaycanda Rusiya şirkətlərinin təxminən 308 nümayəndəsi işləyir. Bu ilin sonunadək onların sayı 400-dək arta bilər.
"Yanvarın 1-dən vahid pəncərə sistemi fəaliyyətə başladıqdan sonra belə strukturların sayı əhəmiyyətli dərəcədə artacaq" - o bildirib.
