Azərbaycan, Bakı, 21 iyun / Trend müxbir U.İsmayılova / Mayda Bakının təkrar avtomobil bazarında təkliflər 17,3 faiz artıb, bazarda tələbat aprelə nisbətdə 4 faiz aşağı düşüb, bu da mövsüm amili ilə bağlıdır. Bu barədə şənbə günü "Əmlak bazarı iştirakçıları" İctimai Birliyindən bildirilib.
Mayda təkrar bazarda avtomobillərin orta qiyməti aprel ilə müqayisədə 4 faiz artaraq $15-18 minə çatıb.
Cari ilin mayında, ilk dəfə olaraq 2007-ci ilin mayından etibarən, Bakıda Mersedes markalı avtomobillərə təkliflər 2,5 faiz azalıb. İkinci yerdə "BMW", üçüncü yerdə isə - "Opel" dir.
Mayda təkrar bazarda 1066 ədəd 1996-1997-ci il buraxılışlı avtomobillər təklif olunub. 1998-1999-cu il avtomobillərinin sayı 958 ədəd, 2000-2001-ci il buraxılışlı avtomobillərin sayı isə - 880 ədəd təşkil edib.
Bakıda bazarın 22,6 faizini təşkil edən "off-road" tipli maşınlara üstünlük verən alıcıların artıb, bu da aprelə nisbətdə 0,6 faiz çoxdur. Monitorinqin yekunlarına əsasən, mayda "Sedan" kuzov tipli avtomobillərə tələbat təxminən 70 faiz səviyyəsində olub. Bazarda "hatchback", "universal" və kupe kuzov tipli avtomobillərə tələbat artıb.
Müəlliflə əlaqə saxlamaq üçün ünvan: [email protected]
