Gürcüstan, Tbilisi, 16 aprel /Trend, müxbir N.Kirsxaliya/
Cari ilin mart ayında Gürcüstanda əməkqabiliyyətli kişi üçün yaşayış minimumu 125,5 lari (1 dollar = 1,75 lari) təşkil edib. Ötən illə müqayisədə bu göstərici demək olar dəyişməyib, lakin ötən ilin mart ayı ilə müqayisədə 6,9 faiz azalıb. Bu barədə cümə günü Gürcüstanın Mili Statistika Xidmətindən məlumat verilib.
Martda orta istehlakçı üçün yaşayış minimumu 111,1 lari, orta ailələr üçün 210,5 lari təşkil edib. Fevralda bu göstəricilər müvafiq olaraq 111,4 və 211 lari təşkil edib.
Cari ilin mart ayında bir nəfərdən ibarət ailə üçün yaşayş minimumu 111,1 lari, iki nəfərdən ibarət ailə üçün 177,8 lari, üç nəfərdən ibarət ailə üçün isə 200 lari təşkil edib. Ailə üzvlərinin sayı altı və altı nəfərdən çox olan ailələrin yaşayış minimumu 295,6 lari təşkil edib.